((( قصيدة النصيـــحه لكل شاب ))) اخص فيها شبابنا هالوقت الله يحفظهم ويهديهم

السلام عليكم

اقدم لكم

اروع قصائد للشاعر سعيد البديد المناعي
((( قصيدة النصيـــحه لكل شاب )))

احذر من الدنيا تغـــرك وتغـــراك .. ولاتحسب انها على الكيف تعطيك
كم كرفت بشراع مثلك وشـرواك .. واصبح بلجات العسر والتهاليــك
ولاتغــرك يـافتى كـــثر الامـــلاك .. وشعاد لو تربح بـكثرة مشاريــك
الا ان تجود بما حوت فيه يمناك .. لى جاك ملهوفً يســالك ويرجيك
قدم لنفسك قـبل دورات الافــلاك .. مـن قبل لا يــاتيــك من لا يخــليك
للاخــره قــدم وعمٌـــر لدنيــــاك .. واقنع بموجودك عن الناس يغنيك
اثر المنيه وين ماسرت ويـــاك .. في ويــن ماتــنوي تــراها تباريــك
حافظ على التقوى ترى الدين يحماك.. واصبر على امرً من الله ياتيك
ايـــاك لا تشــكي الى الناس بلواك .. اشــتك لربً من عـديم مسويك
احــذر من ربـعً خبـيثين الاسلاك .. ترى ربعة الحمقين ياصاح تدنيك
ايعرضك طرقً على غير مهواك .. ان صار حزات اللــوازم يخلــيك
رفيقك اللي في المواجيب يعزاك .. ولي عزيته فالمواجيب يشفيك
رفيقك اللي كلما سمع طرياك .. يشفق على شوفك ويفرح بطاريك
احرص على جارٍ يعزك ويدراك .. عزه وخل الجار حسبة اهاليك
ولاتـــشوش بيــن هــــذا وذاك .. وتحط مابــين الرفاقه شـــرابيك
وايـــاك تهــزا الاجاويد اــياك .. ولاتحـــط الحـر في حــسبة الديك
ارعى الصديق اللي يودك ويهواك .. افده بماجودك وملكة اياديك
احــذر عــدوك لاتــخليه ويــاك .. ولاتفــضي لـه خفــايا مسـاويك
ينقلك عند اللي يهذرك ويشناك .. بين الملا يصبح يبيعك ويشريك
اياك لاتحمل على كل من جاك .. جاب العذر لك يعتذر مخطيٍ فيك
خل السموحه بين الاجواد منواك.. اسمح لاتكثر عليهم دعاويك
حقك من الدنيا جميلك وحسناك .. وعلمً تذكربه نبــالك ويــنبـيك
اوصيك الى جيت المجالس وحياك .. ربعً وكل منهم بشوش يحيك
لاتصير ملقوفً الى الهرج يعداك .. اصمت وخل الصمت احسن معانيك
الا ان سئلت عما جرى لك وماجاك .. عطهم علومً لك على غير تشكيك
جــود بـوفا الـلي تعــب لك وربــاك .. الام الحنون اللي سهرت في ترابيك
بجاه النبي اللي على الحق اهداك .. بيوم الحشر من لاهب النــار ينجيـك
وكذالك كانت له الكثير من الشيلات الحربيه القديمه((العرضه)) فكان يحفزهم ويزيد من حماسهم وتتأجج
نار الحميه والنخوة فيهم استجابه لنداء الكلمات الهادره المشبعه بمعاني الرجوله والاقدام كما يظهر في قوله :

ماهو بهرجٍ في المجالس ينحكى به = الفعل يمضــي يافتى قــــبل الكلام
كم من صبي في اللوازم ينهقى به = لي صار يــوم فــيه لجـــات وكتــام
السيف مايقضي اللوازم في خشابه= ياكود من يجلي الصدا يوم الزحام
7
7
7
7
7
7
7
7
7
7
7
منقول